【娛樂新聞】傳吳若希遭TVB高層照肺 下令《三代同糖》淡化其角色 .TVB新處境劇《愛．回家之三代同糖》接棒開播後未獲觀眾口碑，收視有跌冇升，更有唔少網民狂踩主角吳若希表現浮誇，新演員不懂看機位，收視一跌再跌。劇組為咗救亡，早前急召《愛》初代演員徐榮加盟，眾演員及監製羅永賢齊齊現身宣傳活動谷劇。而被網友狂插嘅吳若希依然自信咁話：「我相信收視會急速反彈，我都曾奪『亞洲喜劇演員獎』，好有信心！」

雖然吳若希對自己嘅演技同收視信心十足，但近日有傳吳若希因為被高層發現，佢對將會同自己對打嘅HOY TV新劇《你的保安李寶安》曾暗中表現友善，加上網友們對吳若希嘅演技依然惡評如潮，終於觸動到高層神經，捉咗佢去照肺，最後更下令要將佢打入冷宮，播至50集，就要將佢嘅角色唐萬里淡化。

據好姊妹講，由於截至昨日（10月8日）《愛．回家之三代同糖》已經播出咗第43集，餘下未播放嘅7集中，劇組將會盡力地把有吳若希份嘅重要劇情快速播出，來一個快靚正嘅收尾。TVB