明报：蔡瀚亿自爆英文名由来 感激太太陪伴渡过低潮
蔡瀚亿（BabyJohn）近日接受新城广播《Ben同Benson“chur”到行》录音访问，在节目中拆解英文名字的由来，同时感激太太在他遇上事业低潮时在身边支持。
自小充满演戏细胞的BabyJohn，小时候会在家中模仿电视剧的角色自娱，读书时期亦有参与舞台剧演出。他透露：“我中二时参加一个舞台剧，剧中个名就係叫BabyJohn，完成剧团拆台后，我好唔捨得同剧演员，一路拆台一路喊，啲演员见到就叫我用番BabyJohn个名，一直用到依家。”
BabyJohn又大爆有关他名字的趣事︰“身边有啲朋友开始生小朋友，佢哋会叫啲仔女叫我做Uncle Baby，係咪好混乱呢？究竟係Uncle定Baby呢？哈哈！最正係之前拍戏嘅摄影师，片场多数都係男工作人员，有啲仲热到赤裸上身抬机，然后佢哋会嗌我‘喂，Baby过来度一度位’，好麻甩佬，好正，我好锺意。”
2012年，当年只有26岁的BabyJohn与圈外女友Dount结婚，他不觉得早婚︰“结婚唔需要年龄规定，结婚嘅定义同原因都唔重要，两个人嘅誓约先係最重要。”他又庆幸自己在入行前已结婚，要不然跟太太已分手收场。
BabyJohn表示︰“唔好话入咗行有乜引诱，拍戏拍到三更半夜先返屋企，朝早又走去拍戏，都冇时间去建立关係，连沟通时间都冇，但结婚后，返到屋企就见到面，如果冇结婚，我同太太都几肯定已经分咗手。”
在圈中打滚了数年，BabyJohn在2018年自组公司，可惜之后撞正疫情，大概有1、2年时间没有接触表演工作，令他萌生转行念头。他说︰“好彩当时太太陪喺身边，又成日鼓励我，佢话‘唔紧要啦，我哋生活到，睇吓上天有咩安排’，好感激太太喺低潮嘅鼓励。”
