專訪丨黃庭鋒盼圓打戲夢 鐘情眼光運動系女孩 認頒獎禮無收穫有失落
藝人黃庭鋒於熱播劇《麻雀樂團》中飾演一名警察，一直渴望拍打戲的他，今次仍未達成心願，又強調自己是運動型，會繼續向監製爭取。談到《麻》劇拍攝的難忘場口，他稱是一場捉賊戲：「大熱天跑樓梯，着晒制服成身架撐，又唔可以跌嘢，拍動作戲一啲都唔容易！」
劇中黃庭鋒與郭柏妍譜出一段「友情以上，戀人未滿」的感情線，而現實中目前單身的他坦言不抗拒亦不着急，希望找個跟他一樣陽光氣息的另一半：「鍾意笑，笑得好睇，會做運動加分！因為鍾意做運動嘅女仔，自然會散發一種好健康嘅體魄感覺。」（劉穎鏇咪符合到？）他即笑稱對方氣場太強，自己可能招架不住。
談到他經常入圍台慶頒獎禮，卻總是與獎項擦身而過，黃庭鋒笑說：「最初少少唔開心一定有，但當幾年之後會發覺When the time comes，係你嘅就係你嘅，依家學吓嘢先！」他笑指雖然想獲獎，但從不寫定感言，因不想像讀稿一樣，期望有朝能站在台上，由心發出去感謝一路支持他的人。
