【On.cc】陳國峰對孫慧雪有初戀感覺 點都唔敢錫
由孫慧雪、陳國峰和黃文標主演的電影《愛·還記得》，由真人真事改編，講述孫慧雪、陳國峰飾演的男女主角是青梅竹馬的戀人，卻因年少氣盛而分手，多年後在各自生活不如意的情況下再次重遇，最終舊情復熾，但這時卻發現黃文標所飾演的女主角爸爸患上腦退化症，甚至女主角亦步父親後塵患上腦退化症，帶出愛情與親情中的無奈和辛酸。
談到劇中雪雪和國峰分別為飾演年輕時期要穿上校服及戴上假髮，雪雪即大爆自己拍攝時一看到國峰的假髮便忍笑忍得很辛苦：「今次套電影都係比較悲情，但係我一望到佢就忍唔到笑！」又形容他的造型就像是《大時代》中的鄭少秋，國峰就解釋指是導演希望還原真實人物的造型，故為他設計出80年代感覺的牛仔褸、牛仔褲及人字拖。
劇中飾演腦退化症患者的黃文標，被問到感受時，他笑言相當歎，又笑稱自己也開始有腦退化症狀，經常借錢後忘記，故就像是本色出演，他又分享在其中一場戲份中加上自己設計的動作：「上車個幕加咗我隻腳點都遞唔上個一級去度，然後國峰扶我上去。」問到他有否參考真實腦退化患者，黃文標則透露他媽媽過世前數年也患上腦退化症，會把他錯叫成他姐姐的名字，所以他在戲中同樣加上這些的設定，又指戲內外都反映出照顧者的辛酸。
至於劇中雪雪因國峰的不上進而產生分歧，問到曾否與另一半有磨擦的問題，她即指與老公每一日都有磨擦：「我諗因為我哋行業唔同，我成日要拍劇個啲比較長時間，我先生就唔明白我放工好攰，就會有好多次磨擦。」而國峰指戲中的不上進就像早期的自己，但自從小朋友出生後，既教拳又教唱歌，努力維持生計，更指在疫情時工作量大減，幸好當時有這套戲拍攝賺下奶粉錢。
談及3人同樣是無綫出身，但從未合作過，黃文標指自己比較早離巢，而國峰與雪雪亦曾只有一面之緣，但他直言首次合作已相當有默契，甚至有種初戀的感覺，雪雪聞言即大呻兩人的唯一一場Kiss戲：「我睇唔出佢咁怕醜點都唔錫埋嚟，要我靠埋去錫佢，搞到我畀啲工作人員笑我好猴擒！」國峰則無奈解釋是角色性格需要。
孫慧雪、陳國峰（右）和黃文標（左）都做過TVB，但首次合作。
陳國峰做咩咁怕醜？！
要雪雪做主動！
首次合作已有火花。
呢幕好有初戀感覺。
雪雪話見到國峰假髮就忍唔住笑。
