西班牙後衛靴姆素（Mario Hermoso）交出助攻並且成功護空門，應該係羅馬贏波嘅最大功臣。羅馬近六場比賽，第一場贏波；19歲嘅法國前鋒華斯（Robinio Vaz） 第一次喺意甲入波。羅馬尾段嘅進攻組合係19歲嘅華斯、19歲嘅雲度連奴（Lorenzo Venturino）同17歲嘅艾蘭拿（Antonio Arena） 。西班牙左後衛安祖連奴（Angeliño）自從舊年九月尾之後，第一次喺聯賽上陣，而羅馬近10次喺聯賽主場對萊切全部贏晒。

啱啱渡過球會 118周年會慶嘅萊切，並冇展現出太強嘅拼勁。作客表現打折扣同下半場比較失色，係近期嘅常態。葡萄牙 U21 國腳中堅泰亞高加比爾（Tiago Gabriel）係今場表現比較穩健同出色嘅萊切球員。該會同帕爾馬一樣，都係今季意甲入波最少嘅球隊。

巴里拉同彼奧艾斯普薛圖嘅連繫效果唔錯； 法基奧利同摩西堅恩嘅合作亦都有睇頭。廸基亞有回勇嘅表現，尼杜亞嘅埋門質素唔錯。費倫天拿控球少啲，但係埋門次數較多。

彼奧艾斯普薛圖連續兩場聯賽有入波，至於巴里拉就交出今季聯賽第7個助攻。

意甲第30週賽事賽果-卡利亞里0-1 拿坡里熱拿亞0-2 烏甸尼斯帕爾瑪0-2 基蒙尼斯AC米蘭3-2 拖連奴祖雲達斯1-1 薩斯索羅科莫5-0 比薩亞特蘭大1-0 維羅納博洛尼亞0-2 拉素羅馬1-0 萊切費倫天拿1-1 國際米蘭

serie a意甲 🇮🇹